O le suesuega sa faatino e le ausuesue e faatatau i side effects poo aafiaga o le tuipuipui o le koviti, ua iloa ai e lua ni aafiaga o le tuipuipui lea ua maitauina e ui e foliga e lē taatele.
O le suesuega sa aofia ai le silia ma le 99 miliona o tagata mai atunuu eseese o le lalolagi e aofia ai ma Niu Sila.
Ua faamaonia ai e le ausuesue ma lipotia i le One News e ui i ia aafiaga i le tagata peitai e sili mamao atu penefiti o le faia o tuipuipui nai lo o le leai.
Ua faailoa ai sootaga i tuipuipui o le pfizer ma le moderna ma aafiaga e pei o le myocarditis poo aafiaga i maso o le fatu ma le pericarditis aafiaga o le faataamilosaga o le fatu.
Ua maua foi i le suesuega nisi aafiaga e iai sootaga i le tuipuipui o le Astrazeneca.
Saunoa le polofesa i mataupu tau tuipuipui Julie Leask e tāua le teumalu o faamaumauga nei auā le agai atu i le lumanai.
