I taaloga o le lakapi liki ua faailoa e le NRL o le a faauau ona faia se faiga e tatau lava ona faamalosia o le a tatau ai i tama taaalo e lavevea pe manunua ulu i taaloga ona malolo mo aso e 11, o lona uiga e na o le tasi ai le taaloga e misi pe a iai se tulaga e aafia ai i manuaga i le ulu (concussion).
O le faaiuga o le vaiaso na agiga tele ai lea mataupu i faatalanoaga ina ua aafia le alii taalo a le Newcastle Knights o Kalyn Ponga.
O le vaiaso nei foi i le Aso Lua na faaulu ai se su auaufaatasi a nisi o tama sa taaalo muamua i le AFL mo o latou manuaga faapea e aafia ai le ulu i le taimi a o taaalo.
O le faia la o le 11 aso lea e faamalolo ai le tagata taalo e aafia, ua ogatasi ma le faiga faavae a le Lakapi o le lalolagi o loo iai nei.
O ia tulafono o le a amata faamamalu i le taamilosaga lona tolu lea e muai fetaui ai Manly ma Paramatta.
