Ua lipotia mai nei le faamālōlō lē tumau ai o Andrew Coster mai lona tofiga o le Pule Sili a le Social Investment Agency, i le oo mai o se lipoti a le Independent Police Conduct Authority e faatatau ia Coster ma ana gaioiga lē taualoa a o avea ai o ia ma Komesina o le Auaunaga a Leoleo.
O lea matāupu e afua mai i tuuaiga o loo aafia ai se tasi o sui sa avea ma Sui Komesina i lona taimi o Jevon McSkimming,
Mo le silafia o lea matāupu ua laualuga nei i le atunuu, ona o Jevon McSkimming o loo tuua’ia i soligatulafono tau feusua’iga tulou sexual offending faasaga i se tamaita’i na o la galulue i le ofisa o leoleo, o se savili, non-sworn police employee.
E māua a o le’i faia le faaseā a lea mafine, sa feoa’i i la’ua nei pe sa faia sa la’ua mafutaga faapōuliuli.
Ma o le aafiaga o lē sa avea ma Komesina ia Andrew Coster, o lona ufiufi lea o le matāupu e pei ona taumafai lē ua aafia e lipotia atu i leoleo, o ana faaseā sa faia faasaga i atu i leoleo, le alii o McSkimming.
O le mea mata’utia i lenei matāupu o le aofia ai foi o nisi o sui sinia o le matāgaluega i faaseā o le ufiufiina o mea sesē a le alii o Jevon McSkimming.
Ma ua faaalia lo latou faaitu’au ma le lē amana’ia o tuua’iga ma faaseā a lea tama’ita’i na taumafai e faailoa atu i le auaunaga.
Ua māua le telē o aafiaga o i latou, e faapea e faitau masina o tuu le tagi ma faaseā a lenei māfine e aunoa ma le su’esu’eina, ma e faapea sa taumafai lava ina ia malosi lo latou leo, ma taumafai e faasesē ala e faatino ai su’esu’ega.
Ma i le oo mai ai o le lipoti a le Independent Police Conduct Authority, ua manino ai ua talia lava e Coster lona mālōlō ai i le mae’a o faatalanoaga ma le Komesina o Tagata Faigaluega, Sir Brian Roche, ae se’i faatino foi lana ia sa’ili’iliga ma su’esu’ega i le matāupu.
Ua faamatala e le Minisita o le PSC, Judith Collins, ua faaalia mai e lenei lipoti le mata’utia o le faaletonu na iai le ta’ita’iga, e lagona le māasiasi pe ana faapea e maua lona igoa i se lipoti faapea.
Faamanino e Collins, o se matāupu mata’utia tele ma a faatusatusa atu i aga tausili o tulaga minisita, e te’a ai lava le faipule i nei ituaiga tuua’iga.
Faamauina foi le faate’a ma le lagona o le tama’ita’i minisita o Social Investment i le oo atu o nei sa’ili’iliga; ae faaalia e le Minisita o Leoleo, Mark Mitchell, e tatau lava ona tali Coster i lea matāupu.
Faamaonia e le Komesina o Leoleo Richard Chambers, o le a faasolo su’esu’ega a le King’s Counsel i tulaga tau galuega poo employment investigations.
Ae ua faaalia foi e le ta’ita’i o le itu a le Leipa, Chris Hipkins, lona lē fiafia tele ona o ia sa faamaoniaina ma tofia o McSkimming e avea ma Sui Komesina.
Faaopoopo Hipkins e le’i oo atu lava se lipoti poo se faamatalaga e tusa ai ma faaseā ma tuua’iga nei.
O foliga vaaia o le mata’utia tele o gaioiga a i latou na tuu iai le faatuatuaga e ta’ita’ia le auaunaga ma le tuu iai o le talitonuga e malu iai tagata e aga’i atu mo ni fesoasoani.
Puna o Faamatalaga: https://www.rnz.co.nz/news/political/578556/former-police-commissioner-andrew-coster-placed-on-leave-from-ceo-role-after-release-of-damning-report
