Tiatia Graeme Tualaulelei
Tiatia Graeme Tualaulelei

Faamālōlō le Failautusi o le Fono Aoao Faitulafono.

Ua ripotia mai nei le faamālōlō ai o lē sa avea ma Failautusi o le Fono Aoao Failtulafono ina ua maea le lua vaiaso o faamālōlō lē tumau ai e le faigamalo fou. 

O le afioga ia Tiatia Graeme Tualaulelei ua silia 20 tausaga o galue i le Ofisa o le Fono Aoao Faitulafono mulimuli ane avea ma Failautusi i le tausaga e 2019 seia oo mai ai ina ua faamālōlō lē tumau ma faamuta ai loa lana tautua i le aso 17 o Setema 2021.

O le faamalolo lē tumau ai o Tiatia na afua mai i le faatautoga na faia i le Aso 24 a le vaega faaupufai a le Faatuatua i le Atua Samoa ua Tasi lea na loka ai faitotoa o le falefono ma lē mafai ai ona agai i totonu le FAST mo le faatautoga peitai na agai atu Tiatia ma agapo atu le feai i le FAST i le mafuaaga o le tapunia ai o faitotoa ona o le faatonuga a le malo tausi sa iai i lea vaitaimi ma o loo mulimuli tai o ia i tulafono na tuuina atu.

Ina ua aloaia mai e le faamasinoga toe iloilo le faatulafonoina o le faatautoga na faia i lalo o le faleie a le FAST ma avea ai loa ma faigamalo fou a Samoa. Ina ua tulai mai le faigamalo fou o ina lea na faamalolo lē tumau ai loa le susuga i le failautusi faatasi ai le Loia Sili.

O le amata o le masina o Setema na faamuta ai Loa e le Palemia le auaunaga a le tamaitai ia Savalenoa Mareva Bentham Annandale, ae o le tofi failautusi na tālia se iuga mai le Fofoga Fetalai.

O le aso Faraile na te’a nei lea na ripotia mai ai le faamuta ai foi o le tautua a le susuga Tiatia o le failautusi o le Fono Aoao Faitulafono poo se sui sinia o le aufaigaluega a le Mālō o Samoa.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required