O le faauluuluga o se totino tāua e lagolagoina le itu tau a’oa’oga ma le ta’ita’iga o tausi soifua i le atunuu, Kylie Ward ua faamalolo nei mai lona tofiga i le mae’a o se suesuega na faia ua maua ai nisi o tulaga tau tupe e lē o taoto lelei i totonu o le Kolisi o Tausi Soifua, le Australian College of Nursing.

O Aperila na faasee ese ai ma ona tofiga o le Ofisa Sili ae se’i faatino le suesuega ma ua lipotia la i le asō e le ABC o lea ua faamalolo moni nei mai le tofiga.

Na mafua suesuega ona o faaseā faalotoifale na alia’e mai totonu o le Kolisi lea ma ta’ua ai e iai vaega e lē o manino.

Na teena e Ward le faaiuga ua faia ia te ia ma lana faamatalaga faatoa ia iloa lea mataupu ina ua tuu atu se imeli ia te ia atoa ai ma le aufaigaluega atoa.

O le Kolisi lea o se faalapotopotoga e silia ma le 150 afe ona sui auai i Ausetalia.

Puna o Faamatalaga: https://www.abc.net.au/news/2024-05-17/australian-college-of-nursing-executives-sacked-investigation/103855996