E to’a 7 talavou ua lipotia le pu’eina e leoleo ona o lo latou gaoia o le fale’aiga o le McDonalds i Mt Roskill ua vaaia ai le faaleagaina o faamalama na faaaogā ai samala ma pou u’amea ma e lē taumate o le a tele se tupe e manaomia e toe faaleleia ai.
Poo le ‘afa o le 1 i le vaveao ae logoina loa leoleo i le faalavelave i le fale’aiga lea i Stoddard Rd.
O le aufaigaluega na iai i lea taimi e lei aafia ma ua feta’ua’ina na taula’i le osofa’iga i tupe ma toe sosola ese ai i taavale e lua na o ane ai.
O le kulupu e aofia ai talavou ta’i 18 tausaga, toatolu e ta’i 17 tausaga, toalua e ta’i 16 tausaga ma ua taofia uma i le vaaiga a leoleo seia aulia le aso e tutula’i ai i le faamasinoga.
O loo teena e leoleo le tatalaina i tua.
Puna o Faamatalaga: https://www.nzherald.co.nz/nz/mt-roskill-mcdonalds-begins-clean-up-after-every-window-is-broken/OUN2L7O6WBBCZCFVC33RB3KT6A/
