Ua faamatuu atu nei e le malo le $25 miliona mo fuafuaga i le amata faatino ai o galuega i lona ulua’i vaega o le amata toe faaleleia ai o le nofoaga o le Devonport Naval Base; o le itu e tapuvaetasi galuega faatino o le vaegā‘au i luga o ogasami a le atunuu, le Royal NZ Navy.
Faaalia e le minisita lagolago o le vaega o puipuiga Chris Penk, o lenei fuafuaga tele ma le vaavaai mamao o le a mafai ai ona tilotilo i le tele o vaega ua moomia le toe faaleleia, talu ai ua autausagā le tele o fale ma meatotino o loo iai i le taimi nei.
Ia mautinoa o loo saogalemu ma ia malupuipuia nei nofoaga mo tagata o loo tautuaina le atunuu i lea matātā.
Faamauina o le a iai nisi o seleni e tuuina atu mo lea faamoemoe mo le isi 3-4 tausaga, ae o le seleni ua iai nei o le a toe faaleleia atoa ai fale ma maota e faatino iai le tele o polokalame ma galuega a sui o le NAVY.
Puna o Faamatalaga: nzdf.mil.nz/future-naval-base
