Ua faalauiloa mai nei ‘au e lua o le lakapi ta’ito’afitu mo taaloga o le taupulega i le tausaga nei i Birmingham ma ua faailoa ua matala ai ma le avanoa mo le Black Ferns e mafai ai ona manumaloina se pine auro mai le Ipu o le lalolagi i le tausaga nei foi atoa ai ma se pine mai taaloga ia a le Commonwealth.  

Lipotia i le asō e le Televise a Niu Sila e to’a 26 le autaalo ua folafola mai i le asō faatasi ai ma nisi i le faaleoleo mo le ‘au a le itupa o alii ma tamaitai i le lakapi ta’ito’afitu. O tamaitai e to’afā o le Black Ferns o Sarah Hirini, Portia Woodman, Kelly Brazier ma Stacey Fluhler o loo aofia mai ai foi i lea lisi ae o loo feta’uaina foi i le lakapi 15 a le Black Ferns e tauva i le Ipu o le lalolagi i le tausaga nei lava.  

O le tausinioga o le lakapi ta’ito’afitu i Birmingham o le a amata i le aso 29 o le masina fou o Iulai. O le ‘au a tamaitai mo le ta’ito’afitu e aofia ai Michaela Blyde, Kelly Brazier, Theresa Fitzpatrick, Sarah Hirini o le kapeteni, Stacey Fluhler, Jazmin Hotham, Shiray Kaka, Tyla Nathan Wong, Risaleaana Pouri Lane, Alena Saili, Niall Williams, Tenika Willison, Portia Woodman. 

O Travelling reserves e aofia ai Terina Te Tamaki ma Mahina Paul, a o non travelling reserves e aofia ai Shakira Baker, Ruby Tui, Manaia Nuku ma Tisha Ikenasio. 

O le ‘au a alii i le ta’ito’afitu e aofia ai Leroy Carter, Che Clark, Dylan Collier, Scott Curry, Sam Dickson o le kapeteni, Moses Leo, Ngarohi McGarvey Black, Sione Molia, Tone Ng Shiu, Akuila Rokolisoa, Caleb Tangitau, Regan Ware, Joe Webber.

O reserves poo faaleoleo e aofia ai Amanaki Ncole, Roderick Solo, Brady Rush, Kurt Baker, Trael Oflaherty Joass ma Tim Mikkelson.