O le aso malolo lenei i Niu Sa Uelese ma isi setete o Ausetalia, le long weekend e faamanatu ai le aso soifua o le Tupu o Peretania.
E ui o le aso 14 o Novema le aso tonu na soifua ai peitai i le tele o setete i Ausetalia e faailoga lava i le aso 10 o Iuni se’i vaganā Western Australia ma Kuiniselani e faato’ā faamanatu ia Setema ma Oketopa.
O loo tatala lava le tele o faleoloa aemaise i supamaketi i totonu o Niu Sa Uelese mo taimi masani o faatauga.
E pei lava foi o Niu Sila o se aso foi ua faailoa ai i latou ua filifilia i lenei tausaga e maua faailoga taualoa mai le Tupu o Peretania ma faatāua ai foi auaunaga ma sao o i latou ia i le soifua o tagata i Ausetalia.
O le tausaga lenei e 737 tagata ua faamanuiaina ma e aofia ai nisi ua maua faailoga taualoa aupito maualuga le Companion of the Order of Australia, le Premier sa iai o Vitoria, Daniel Andrews ma le Premier o Western Australia, Mark McGowan.
Puna o Faamatalaga: https://www.9news.com.au/national/kings-birthday-2024-trading-hours-june-long-weekend-what-will-and-wont-be-open-today/5845ce12-3c7c-4adc-8088-332379825259
