Na faatumulia i malo valaaulia mai lana afioga i le Ao o le Malo ma lana masiofo, le Sui Palemia ma minisita o le Kapeneta o sui faipule o le Palemene o paaga ma uo mamae a le Ofisa o le Hai Komesina o le Malo Peretania i Samoa, i le faailogaina o le 96 tausaga o le aso soifua o le Tupu Tamaitai o Peretania, Lana Maiesetete Kuini Elisapeta II.
O le Sui Palemia, Tuala Tevaga Iosefo Ponifasio na saunoa e avea ma sui o le Malo o Samoa e momoli moomooga lelei ma faamanuiaga i le aso soifua o le Tupu Tamaitai, aemaise o faamanuiaga i le atoaga o le 70 tausaga o lana nofoa’iga faatupu o lea Malo tele o le lalolagi.
O Samoa ma Peretania o ni Malo sa galulue faatasi mai lava i taimi o pulega faakolone i Samoa ma o loo faaauau pea lea mafutaga faapa’aga. O le faailogaina o le Iupeli Siliva o le nofoaiga a le Tupu Tamaitai o Elisapeta II i le tausaga e 1977 na asiasi mai ai i Samoa i le masina o Fepuari o lea lava tausaga.
