E iai se fuafuaga fou ua taumafai iai le vaega faaupufai a le Leipa i Niu Sa Uelese ina ia faia e vave aveesea ai demerit points o avetaavale.
O lea faiga fou ua ta’ua o le a faataitaia mo le 12 masina ma i lalo o lea polokalame o avetaavale uma e faaauau pea ona le aafia i ni faasalaga pe soli foi le tulafono o le a tauia i le aveese mai o se demerit point.
O le faiga o loo iai i le taimi nei e tolu tausaga faatoa mafai ona aveese demerit.
Fai mai le Leipa o le faigamalo a le setete o loo iai i le taimi nei e na o le sailia o tupe o loo taulai iai ma o faasalaga tau taavale ua oo atu i le silia ma le tai 40 miliona e maua ai i le tausaga.
Fai mai le taitai o le Leipa ua manaomia se isi faiga fou.
