Ua maua se faaopoopoga o faamatalaga faatatau i le faalavelave na auina atu i talafou i le aso ananafi i le tagata na maua ua maliu i se paka i West Auckland.
Fai mai leoleo o lē ua maliu o se alii sekulati i le paka lea le Royal Reserve i Beauchamp Road i Massey ma e 25 tausaga o le soifua.
Ua faamaonia mai foi la e le kamupani a le Armourguard lea faamatalaga, o Ramandeep Singh o se alii sekulati e petolō ma sa galue faakonekarate i le kamupani.
E 26 tausaga o le alii ua molia i le fasioti tagata i le mataupu lenei ma o loo faaauau pea ona tapunia le paka i le taimi nei a o faagasolo ai pea foi suesuega a leoleo.
