Na lipotia i le SBS i le aso ananafi le faalauiloaina mai o se lipoti mai le Palemene o Niu Sa Uelese ua iloa ai le tele o tuua’iga e faatatau i le faaoolima ma uiga fia malosi o loo alia’e i lea nofoaga.
O le lipoti sa tuufaatasia e lē sa avea muamua ma komesina o faiga faailoga tagata sex discrimination commissioner o Elizabeth Broderick, ua iloa ai e to’atolu nisi na faia iai ia uiga i totonu o le lima tausaga ua tuana’i ma ua faailoa foi o faipule lava lea e mātele ina faatinoina ia tulaga.
Ua ta’utino le premier o Niu Sa Uelese Dominic Perrottet o le a ia lagolagoina vaega uma ua fautuaina mai e le iloiloga lea ma ta’utino foi e moni o le lipoti ua tuuina mai ua faailoa ai nisi o mataupu ogaoga ua faitau iai.
