Ua faamaonia mai e le Iunivesite o Otago o le a iai se isi LOGO ma se igoa Maoli fou.
O suiga o le a amata faamamalu i le masina o Me 2024 ina ua mae’a ona faamaonia mai e le totino o loo faagaioia le iunivesite le toe fetuunaiga lea i le asō ma sa faia faatalanoaga i le mataupu lea i le masina o Mati.
Ua faailoa mai o le a tumau pea le igoa University of Otago ae o le igoa fou lea o le a suia ai le Te Whare Wananga o Otago i le Otakou Whakaiku Waka, o lona uiga i le faa-Peretania, a place of many firsts.
Sa faailoa e le faauluuluga o le Iunivesite Stephen Higgs, sa faia feutanaiga ma le komiuniti e tusa o le suiga ma e toatele o loo lagolago i lenei faamoemoe.
E silia ma le 9 afe le aufaigaluega, tamaiti aoga ma i latou sa aooga muamua i le iunivesite, sa faatinoina iai se suesuega e tusa o lenei suiga.
