I totonu o Niu Sila o se taimi o i luma ona aga lea o se nuu Pasefika (Pasifika village) e faatino auaunaga fesoasoani mo le faitau afe o tagata o loo i se vaega o Waikato. 

I lipoti a le Leitio Niu Sila o lea nuu o loo fausia i totonu o Hamilton o le a aofia ai se learning centre, o se faletele poo le Fale – styled convention hall faapea se well-being hub. 

O lea nuu o le a faaigoaina o le K’aute Pasifika Trust, o le a iai foi fesoasoani tau soifua maloloina, o auaunaga tau aoaoga faapea fesoasoani i aafiaga o le Koviti-19. 

Na ta’ua e le Ofisa Sili a le K’aute Pasifika Trust, ia Leaupepe Rachel Karalus o lenei atinae ua silia ma le 20 tausaga o taumafai ina ia tino mai ma o se auala e tali atu ai i manaoga a le Komiuniti i lea vaega o Niu Sila. 

O le faamoemoe autu ina ia mafai ona maua e tagata Pasefika le fesoasoani o loo faafaigata ona latou maua i le tele o isi vaega o Aotearoa.