E tasi le suiga lea ua faalauiloa e le All Blacks o le a faia i lana ‘au ua sauni e faafetauia Aialani i le taaloga i le faai’uga o le vaiaso.
I le lē mafai ai ona taalo Sam Whitelock ona o manu’aga, ua faailoa mai o le a faasee ane Scott Barrett i le loka ae o le kapeteni o le Blues, Dalton Papalii e amata i le jersey numera 6.
O loo tumau pea le laina i tua a le ‘au lea sa taaalo i le taaloga talu ai. O lona uiga la o le ‘au atoa a le Blackie mo lea taaloga e aofia ai George Bower, Codie Taylor, Ofa Tu’ungafasi, Brodie Retallick, Scott Barrett, Dalton Papalii, Sam Cane o le kapeteni, Ardie Savea, Aaron Smith, Beauden Barrett, Leicester Fainga’anuku, Quinn Tupaea, Rieko Ioane, Sevu Reece, Jordie Barrett.
