Ua faailoa e le Commerce Commission o le a o latou faia moliaga faasaga i le Jetstar i lalo o le Tulafono o Fefaataua’iga Talafeagai ona ua feta’ua’ina lo latou faasese o nisi o pasese e uiga ia latou aiātatau mo taui o faigamalaga na faalēaogāina ma faatuai ae sa mafai ona faatonutonu e le kamupani mafuaaga o ia tulaga.
Ua ta’ua i le One News i le taeao analeila o le faamatalaga a le Komisi e talitonu o fesoota’iga a le kamupani vaalele e lē taumate ua faalotovaivai ai i ana paaga e uiga i le sailia o se taui o loo agavaa iai i latou i lalo o tulafono tau feoa’iga i vaalele, aviation law.
Ua ta’ua e le Komisi i le lipoti lea, o kamupani vaalele e iai le latou matafaioi ia aua ne’i faaseseina ana paaga e uiga ia latou aiātatau i tulaga o faigamalaga ua faalēaogāina pe faatuai foi.
I le upega tafailagi a le Jetstar o loo faataga ai paaga e tuuina a latou claims poo talosaga mo ni taui i tulaga faapea.
Na taliaina lelei e le Consumer NZ le faaaliga mai le komisi auā o latou ia sa tuuina le faaseā i le komisi i le 2022 ona o le tele o faitioga a tagata e uiga i lea mataupu.
Puna o Faamatalaga: https://www.1news.co.nz/2024/09/18/charges-to-be-filed-against-jetstar-for-allegedly-misleading-customers/
