O lea ua faailoa faalaua’itele e le Atu Kuki faamatalaga e faatatau i lana feagaiga fou ma Saina lea ua sainia, peitai mai Niu Sila o loo faatali pea e iai ma isi.

O le aoauli ananafi na fofola mai ai e le Atu Kuki faamatalaga o le maliega ma Saina ma o se faigafaapaga e faapea e lima tausaga le umi.

E 6 laupepa o le lipoti le saini lenei ma o mataupu o loo ta’ua ai o le tamaoaiga, siosiomaga, fesuia’iga o aganuu, manuia lautele, faapea faiga faapaga faavaomalo.

Mai le tele o mataupu lomia, o le va o malo lea o loo ave iai le faamamafa a Niu Sila.

Ae i se tali a Niu Sila e tauala mai le sooupu a le minisita o le va i fafo, Winston Peters, o lea ua amata iloilo e Niu Sila le maliega lenei a le Atu Kuki ma Saina, e tālia ai se aso o lenei vaiaso e fesoota’i atu ai Niu Sila i le Atu Kuki.

Fai mai ai foi Niu Sila, e iai ma isi maliega na sainia e le Palemia o le Atu Kuki Mark Brown a o iai i le vaiaso atoa i Saina, ma e tatau ona faailoa uma mai maliega nei e aunoa ma le faatuai.

Puna o Faamatalaga: Cook Islands government releases details of deal with China | RNZ News