A o amatalia ai galuega a le Kapeneta o lea ua faailoa mai e le alii Palemia, Christopher Luxon le ono iai o nisi o fetuuna’iga i tofiga o lana Kapeneta i nai vaiaso o i luma.
O le a faatino lea tulaga ona ua faailoa atu e ana Minisita ia te ia le mālōlō litaea mai tofiga ma le iai i totonu o upufai o malo.
O se matāupu ua faaalia mai a o lea ua lalalata mai le faigāpalota tele a le atunuu.
Ta’ua e le ta’ita’i o le Malo, e ui o loo iai nei fuafuaga ae e lē o iai se tulaga faanatinati o iai i nei suiga, ae peita’i o le a faailoa mai i se taimi e lē o toe mamao le aso e faatino ai faigāpalota a Niu Sila.
Māua i lipoti mai le Newstalk ZB, a o galue Christopher Luxon i le fetuuna’iga, o lea foi ua faailo le aga’i o se tasi o ana tautalaga i matāupu i tulafono, o a’oa’oga, aemaise o lona taumafai lea ma lana faigāmalo e tuuitiitia ma faafaigofie aiaiga ma tulafono ina ia mautū feutana’iga ma tagata lautele ia latou tulafono e tuuina mai, atoa ai ma taumafaiga i le tulaga lelei ua vaaia i le tamaoaiga o le atunuu.
Puna o Faamatalaga: https://www.newstalkzb.co.nz/news/national/luxon-signals-possible-cabinet-reshuffle-as-politicians-retire-election-date-out-very-shortly/?dicbo=v2-GBjZsPJ
