Ua amata faagasolo le faia o tui puipui lona tolu poo le booster a le atunuu mo i latou ua maea tui puipui muamua e lua, ma e tolu nofoaga faapitoa o loo faatautaia ai nei tuiga.
O ia nofoaga e aofia ai le EPI building i Motootua, o le Fale Samoa a le Pulega o Tagata Tafafao mai Fafo (STA FALE) ma le Matagialalua i Eleele Fou faafesagai ma le faletusi a le Nelson Memorial Library.
E ui i le lolofi atu o le atunuu e fai a latou tui o le booster na vave uma tui ma fautuaina ai e le aufaigaluega e mamalu o le atunuu o loo faatalitali ina ia toe oatu i le taeao o le Aso Faraile. Sa iai foi ma nisi o le atunuu lea faatoa malilie e fai a latou tui puipui muamua ma le lona lua.
E oo mai le taimi nei e 97% le aofai o i latou e agavaa e fai tui ua maea tui muamua ae 89% ua maea tui lona lua. O lea ua agai nei Samoa i le laasaga tasi poo le lanu samasama (Alert Level 1)
