O tūiga mo fanau mai le 5-11 tausaga le matutua, o le vaiaso nei ua oo atu ai i aoga tulagalua o le itumalo Aana ma faasolo atu ai i itumalo tuaoi i lea vaega o le motu o Upolu.
I se ripoti o le vaiaso na tea nei na faailoa ai le silia ma le to’a 7000 o fanau laiti mai le 5-11 tausaga le matutua ua maea ona faia a latou tui puipui. E 15 aoga tulagalua i le motu i Upolu o loo agai iai le faia o tui puipui.
E pei ona silafia o le aofaiga o fanau laiti inlew vaega o loo iai le manatu a le Matagaluega e tatau ona faia a latou tui puipui e oo atu i le to’a 42,000.
O loo iai pea Samoa i le vaega muamua poo le Alert Level 1 o loo tatala ai galuega ma aoga faapea le feoai o tagata i feau ma tiute masani ae o loo faatumau pea aiaiga o puipuiga i le iai o le atunuu i taimi o Faalavelave Faafuasei ona o le koviti19 e pei ona aiaia itula e tatala ai faleoloa ma faleaiga ma faletalimalo i Aso Sa.
