Ua fofogaina i le faamasinoga molimau mai ia i latou o aiga o nai teineiti e toatolu na molia lo latou tina i le fasiotia o i latou i le toeitiiti tolu tausaga talu ai.
O le faalavelave na tupu i Timaru ae lei leva ona faimalaga ane le aiga lea mai Aferika i Saute.
O le tina ua molia o Lauren Dickason molia i le fasiotia o lana fanau teine e toatolu, o le matua e 6 tausaga ma le masaga e ta’i 2 tausaga.
Sa fofogaina ma faalauiloa tusitusiga ma faamatalaga mai le toalua o Lauren aemaise ona mātua ma tuafāfine o le tamā o teineiti o Graham Dickason, sa ia faailoa ai e leai sona lagona lē loto faamagalo o iai pe ita i lona toalua i le taimi nei.
Na ia faailoa foi e fia faafetaia le Atua i lana fesoasoani ia te ia ua mafai ai ona sao mai lea faalavelave tuga.
O le i’uga lea faato’ā faamaonia mai se taimi e lei mamao atu ua faasalaina ai le tina lea o Lauren Dickason i le 18 tausaga i le falepuipui.
Puna o Faamatalaga: https://www.1news.co.nz/2024/06/26/father-of-murdered-girls-will-love-them-forever
