Ua toe faaauau i le Aso Gafua o lenei vaiaso fou le fonotaga a le Palemene o loo soalaupule ai le tala faatatau autū o le tupe, e pei ona sa amata ona tali Minisita o le Kapeneta i le Aso Faraile ua mavae.
O le Minisita o le Matāgaluega o Tina ma Tama’ita’i, Atina’e o Afio’aga ma Agafesoota’i sa tala malae i tali a le malo i matāupu sa afea i saunoaga faataupou o saunoaga faalaua’itele a sui usufono o itumalo faapalota.
O le poloketi o le miliona o loo i le vaaiga a lea matāgaluega sa tele iai fesili ma manatu faaalia o sui faipule sa sausaunoa i le tala autū o le tupe, ma o le matāupu foi lea sa tele ina faauilavea ai finagalo o le ta’ita’i ma le sui ta’ita’i o le Itu Agai.
O suiga i faiga faavae o ta’iala e faagaioi ai lea poloketi a le malo o loo soalaupule e le komiti faafoe o le poloketi.
I le feiloa’iga a tusitala ma le ‘aufaasalalau sa tuliloa ai se finagalo o le afioga i le Sui Palemia.
Le feiloa’iga a tusitala ma le ‘aufaasalalau ma le afioga i le Sui Palemia, afioga Toelupe Maoiautele Poumulinuku Onesemo.
E tolopō galuega a le Palemene i le Aso Faraile ua mavae ua mae’a ona tali fuaitau le Minisita o le Matāgaluega o Tina ma Tama’ita’i, Atina’e o Afio’aga ma Agafesoota’i le afioga Moefaauouo Julius Ah Kui Tafuna’i.
O le Minisita o le Matāgaluega o Alamanuia, Pisinisi ma Leipa faapea le pulega o tagata tafafao le tofa Fata Ryan Schuster ua oo iai le faasologa o tali a le malo.
