Ua malilie nei le Mālō o Niu Sila e foai atu Rapid Test (RATs) e 50,000 e fesoasoani ai i le Mālō o Samoa e ala i lo latou tali atu i le koviti19.
Na faailoa lenei fesoasoani tauala atu i se pepa o faamatalaga mai le Ofisa o le Hai Komesina o Niu Sila i Apia i le Aso Lulu o le vaiaso nei. I lea pepa o faamatalaga ma faailoa ai e 19,400 No rapid tests ma molimoli atu i le atunuu i le Aso 19 o i Fepuari i se malaga faapitoa (cargo flight).
O le 30,600 o rapid test o loo totoe o le a auina atu i Samoa i vaiaso a sau. O nei ituaiga suega (test) e faafaigofie ai i tagata ona maua iuga (results ) i se taimi vave ma ua iloga lona faaaogaina e atunuu e tele o le lalolagi e tali atu ai i pepesi o le Koviti.
O se tasi o vaega o lea fesoaosani o loo aofia ai ma tui e 30,000 o le paediatric vaccine mo fanau mai le 5-11 tausaga le matutua lea o loo faagasolo nei.
Taua e le Komesina o Niu Sila i Samoa Dr Trevor Matheson o le talafeauga o lenei fesoaosani ma le tele o suiga ua iai puipuiga mai le Koviti ae le gata i lea o le vave tali atu ai i lea siama mo le saogalemu o tagata o le atunuu.
