E fā pulega faalotoifale poo Local Councils ua faia lava e latou le faaiuga o le a faaauau pea ona taofi kalone lapisi faalauaitele a o latou faaitu mo otaota e ui ua mae’a faailoa mai e le Auckland Council o le a aveesea le faitau afe o kalone lapisi.
Saunoa le taitaifono o le fono faatonu a Manurewa o Matt Winiata i le TV Tasi o le itiiti o kalone lapisi o le tala faanoanoa lea mo le komiuniti ma o isi vaega ia o loo avea ma luitau mo lona foi itumalo.
O isi fono faatonu ua tutu faatasi ma Manurewa e aofia ai Papakura ma Franklin faapea foi ma Rodney.
Fai mai le pule sili o le vaega o paka ma nofoaga o le komiuniti i le Auckland Council ,Taryn Crewe o le a faailo lava agai i le fono faatonu le aofaiga latou te totogiina mo le taofia o a latou bins.
O le faiga ua aapa iai le Auckland Council i le aveesea lea o bins o le a faasaoina mai ai se vaegatupe pe ā ma le 1.4 miliona i le tausaga.
