Ua tulai mai le malo o Niu Sila e lagoalgo i le galuega a le Matagaluega o le Soifua Maloloina a Samoa e ala i le foai atu o nisi o faaaopoopoga o tui mo le Pfizer mo fanau laiti ae le gata lea o se masini okesene (Oxygen plant).
O le amataga o le vaiaso na faamaonia ai e le Hai Komesina o Niu Sila Dr. Trevor Matheson e faapea e oo atu i le 80,000 le aofai o tui o le Pfizer e 80,000 mo fanau mai le 5-11 tausaga le matutua.
O le amataga o lenei tausga e oo atu i le 40,000 tui puipui na foai atu foi e lea atunuu mo Samoa mo fanau laiti lava lea na mafai ai ona faatino tui puipui muamua o i latou ia. Taua foi e le Hai Komesina o le Aso Sa na sei mavae atu nei sa faaopopo ai le isi 40,000 o tui puipui ina ia mafai ona amataga tūiga lona lua a fanau laiti.
Ua fautuaina ai e le afioga Dr Trevor le mamalu o matua ina ia fai tui puipui a fanau mo lo latou saogalemu ma saga puipuia mai ai i le pepesi o le Koviti-19 o loo iaia nei.
O le masini okesene poo le oxygen plant o se fesoasoani tele lea i tualga o le faatinoga o galuega a le Matagaluega i le falemai tele o Tupua Tamasese Meaole i Motootua.
