O vevesi faalotoifale i le vaega faaupufai o le Faatuatua i le Atua Samoa ua Tasi, ma aafia ai ma upufai o malo, ua taoto nei i lagotonu ia faafatiatama’i ina ua faaauau pea le ta’ita’iga o le Malo e le tamaitai Palemia ma lana Kapeneta, e mafua ina ua saunoa le Fofoga Fetalai i le toe tauaofia ai o le fono usu a Samoa, ma ia faailoa i le Palemene i le Aso Lua o lenei vaiaso o to’a ma feteena’iga na tula’i mai o mea faapatī faaupufai, ae o le Palemene e lē o se vaega faaupufai.
O le tulaga soloia o nofoa o itumalo o loo se’ei ai le Palemia le afioga Fiame Naomi Mataafa ma minisita e to’alima o lana Kapeneta ina ua faia le faai’uga a le vaega to’atele o le faafaletui o lea pati faaupufai e faamuta le toe avea o i latou ma sui auai, na faailoa manino e le Fofoga Fetalai i lana saunoaga amata i le toe usuia o le fono aoao faitulafono mo galuega o le amataga o lenei tausaga fou.
Le afioga i le Fofoga Fetalai susuga Papalii Li’o Oloipola Ta’eu Masipa’u.
