Ua faailoa se finagalo faaletulafono ole Family First NZ e faatatau ile tulafono o loo fuafuaina e taofia ai se faiga ua faaigoa ole  conversion therapy ile faaperetania, poo se faiga e faaliliu ai se tasi I sona faaliliuga lata mai I le faa Samoa.  

Ole finagalo o le Family First ua faailoa mai ai o lea fuafuaga ose tasi foi lea o osofaiga I aia tatau a matua ma e fai si matautia ma iai ona lape.

Ole finagalo faaalia ile Legal Opinion e le alii loia o Grant Illingworth QC o loo fua agai I le pili ole private members bill a le faipule o le Leipa o Maria Lubeck lea ua tuuina ile palota ae le’I seiina. Ua faalauiloa e le Leipa I lea lipoti o I lea o le a faavae ai le tulafono ua o latou fuafua e faalauiloa ise taimi o lenei tausaga.

Ole finagalo faaletulafono la ua faaalia ua taua ai o lea sa o lea faasolitulafono ai matua e mananao e puipui a latou fanau mai tulaga e ono aafia ai e le gata I le mafaufau, aafia o le tino faapea foi ma lagona ma ua faailoa o le a tau solitulafonoina matua ma ono faanofo falepuipui ai mo le 6 masina mafua mai pe afai latou te faamautuina pea o a latou fanau tama o le a avea lava ma tama faapea foi I fanau teine e avea pea ma tamaitai,

E anoanoai finagalo faaalia I lenei mataupu I luga o upega tafailagi ma o loo fetauaina ai le ono avea o ni unaiga a matua poo se tasi foi I se tamaititi e le o mautonu i nisi tulaga faalesoifuaga ona o loo itiiti, e ono vaaia o se tasi ogaioiga ole sauaina o le tamaititi, child abuse poo sauaga foi faale mafaufau.

E fai si lavelave o le mataupu ona e foliga e aafia ai foi ma nisi o tulaga o auaunaga I totonu o faalapotopotoga, ekalesia e oo foi I aoga ona ole tulaga lea pe afai ae faatino ni aoaoga aemaise o auaunaga ofoina e ono faaliliuina ai se tagata, e ono aafia foi I lalo o ia ituaiga tulafono.