Ua faaleo i luga o upega tafailagi le lē fiafia o se tasi o uigi sa iai a Ausetalia, Drew Mitchell i le faiaoga o iai nei o le ‘au Eddie Jones i le tuu o le ‘au i se tulaga lamatia e ono misi ai i taaloga quaterfinals o le Ipu o le Lalolagi mo le uluai taimi.
Fai mai Mitchell e pei ona lipotia e le ABC e tatau ia Jones ona faamanino atu nisi o ana faiga filifiliga.
E lē o fiafia Mitchell ina ua faia’ina le ‘au ia Fiti i le taaloga talu ai lona uiga o le a iloa le toe faaauau o lana misiona i le taamilosaga pe afai e malo ia Wales i le Aso Gafua o muamua.
O se podcast se faasalalauga na iai faatasi ma isi tama taaalo o le Wallabies ua malolo, Adam Ashley Cooper, ma Matt Giteau.
O Mitchell e 71 ana taaloga i le Wallabies ma ua ia ta’ua i lea faasalalauga, e fia malamalama pe aisea ua naunau ai le alii faiaoga e faaaogā lana faiga faavae e faatatau i tama taaalo talavou ae tuu ai le skipper ua loa tausaga i le ‘au, Michael Hooper atoa ai ma se tasi playmaker a le Wallabies, Quade Cooper.
E lē o ta’ua i le lipoti se finagalo faaalia o Jones i ia faamatalaga.
