E le’i ‘alo faamatalaga a le taitai o le atunuu le Tamaitai Palemia Fiame Naomi Mataafa ina ua fesiligia i le tulaga o le liki ai tua o nisi o pepa faamatalaga a le malo e aunoa ma se faatagana.
Na ripotia mai e le lomiga a le malo le Niusipepa o le Savali o le vaiaso lenei sa liki ai tua se fautuaga tusitusia a le Komiti o Faalavelave Tutupu Faafuasei (D.A.C) sa tuuina atu i le Kapeneta mo le faamaoniga ma ni teuteuga faapea se latou faaiuga aloaia. O lea Komiti o lo iai le Faauluuluga o Matagaluega o Pisinisi Tumaoti a le malo faatasi ai ma sui o Kamupani tumaoti tutoatasi. O nei fautuaga ua na’o se tuualalo a le komiti ae o le faaiuga mulimuli e fai e le Palemia ma lana kapeneta
E pei ona silafia e le’o se taimi muamua lea ua tulai mai ai lenei faafituali i le mama i tua o pepa o faamatalaga taua a le malo ma e le’o mautonu poo ai o loo faia lea gaioiga. E oo foi i le faigamalo ua mavae atu sa tulai mai ai foi lenei faafitauli peitai o lea foi ua toe tupu mai.
O le faanoanoaga tele o le Palemia ina nei ese se fautuaga mai lenei Komiti ese se faaiuga a le Kapeneta ona avea lea ma tulaga e fesiligia ai le faatinoga o galuega a taitai o le atunuu.
O se gaioiga e matua lē talia lava e le tamaitai Palemia pe e unacceptable le tulai soo mai o le oo i tua ma le liki i tua o pepa o faamatalaga taua e aunoa ma se faatagana.
