E ui e lei maua se tonu o le ofi atu o Niu Sila i le AUKUS, ae ua saunoa Winston Peters e tāua ia Niu Sila le fau faatasi ma isi atunuu e tutusa mafaufau.
O le Pillar lona lua o le osiga feagaiga a Ausetalia, Peretania ma Amerika le AUKUS lea o loo faatalanoa pea nei e Niu Sila le ono faaipoipo atu iai, ma e lē o le vaega muamua ae o le lona lua lea e taula’i i maliega e fefaasoaa’i ai tekonolosi.
O se gau tele mo Niu Sila pe afai ae tatou te lē faata’ita’ia e tusa ma saunoaga a le minisita o le va i fafo peitai e faatali foi Niu Sila i le taimi e valaaulia mai ai e Ausetalia, Peretania ma Amerika.
A o faia ai pea lava talanoaga o lenei mataupu, o lea lava foi e finau malosi nisi sa ta’ita’ia le malo o Niu Sila i tausaga ua alu e aofia ai Helen Clark, e lē fetaui le ofi o Niu Sila i le AUKUS ma toe faasagasaga mai ia Saina ae o Saina le paaga aupito i telē a Niu Sila i itu tau fefaataua’iga.
Ae mai ia Don Brash, o lē sa ta’ita’ia le National, tatou te lē fia faasalavei fua i le va o Saina ma Amerika, peita’i mai le malo, e tāua tele atunuu e iai Amerika i le tamaoaiga faapea le saogalemu o Niu Sila.
Puna o Faamatalaga: ‘Irresponsible not to’ investigate joining AUKUS Pillar II – Peters (1news.co.nz)
