O le asō o loo fofogaina ai i le Faamasinoga Maualuga le mataupu a le Federal Government ma se tasi o asylum seeker e faaigoa o ASF17 lea ua 10 tausaga o taofia pea i nofoaga e taofia ai i latou e malaga mai i le atunuu ma teena talosaga o o latou visa.
Fai mai le NZ Herald e lē o fia usitaia taumafaiga e toe tipoti ai i lona atunuu o Iran ma o loo finau ana loia e tatau ona faanofo i Ausetalia nei.
Fai mai le 9News afai ae manuia lea faamasinoga o lona uiga o le a iai ma se suiga mo le lata i le 200 o i latou o loo taofia foi faapea ma iu ina mafai ai ona faasaoloto mai foi latou.
O le iuga foi a le Faamasinoga Maualuga i le tausaga talu ai na toe tatala ai i tua le 149 o tagata na taofia i nofoaga foi faapea ma o loo silsila nei le komiti a le senate i le tulfono lea na faapasia i le Palemene i le masina talu ai e tuuina ai nisi o aiaiga mo i latou e lē fia usitaia suesuega e faatino e sui o le immigration.
Puna o Faamatalaga: https://www.9news.com.au/national/high-court-to-hear-asf17-deportation-case/2cc1fd3e-ae0d-47fa-82f0-cdf49e46ad65
