Latalata i le 600,000 vailaau mo le tui o le Koviti a le Pfizer e uma le aoga i le faaiuga o le masina fou, ma e foliga mai o le tele o le a lafoai.
E ui i le toe sau faatolu o le Omicron e leai se suiga tele i le fuainumera o tagata o agai e faia tui talu mai Setema.
O le lē toatele lea ua le faaaogaina ai se vaega e 592,000 peitai e uma le aoga i le aso mulimuli o Ianuari.
I le taimi nei e tusa ma faamaumauga mai le soifua maloloina e tusa ma le 64,000 tui o loo faia i totonu o le masina.
Ae ona o le manumanuga i le ma’umau, o loo iai le avanoa e faasaoina mai ai ma o lea ua faatalosaga ai le soifua maloloina i le Pfizer pe ono iai se avanoa e toe faaopoopo ai aso e aoga ai.
O se talosaga o le a iloilo e le Medsafe faamaoniga e lagolago ai.
E ese mai i vailaau nei e uma le aoga i le masina fou, o le isi uta e 600,000 e uma ia Mati, ma i se vaaiga lava ia i le aofaiga o vailaau o loo teu a Niu Sila e oo mai i le Aso Lulu o le vaiaso faatoa uma atu e 3.7 miliona.
