Tusia : Maina Misa Foma’i -Vai
Na faamaonia mai e le Komesina Lagolago ia Leiataualetauā Logoimauga Samuelu Afamasaga e maliu nei Tagaloasā Filipaina Faisauvale o faatalitali se tali a le Laulauafono o le Palola i lana talosaga mo le palola e magalo ai.
O le talosaga na fuafua e iloilo ia Mati o le tausaga nei e pei ona faatulaga ai galuega a le laulau a le palola, peitai o le tapunia ai o le atunuu ona o le pepesi o le faama’i o le Koviti19 na le taunuu ai. O ananafi lea na maliu ai Tagaloasā i le Falema’i o Tupua Tamasese Meaole i Motootua, ma ua 63 tausaga o lona soifua.
Na faailoa e Afamasaga sa talia le talosaga atu a Tagaloasā e fia alu i tua i lona aiga. “Sa approved lona alu i lona aiga for one week as part of the safety plan ina ia o’o atu ai le Parole ua avaku se recommendations. E maliu la sa i lona aiga ma ave ai le falemai ma maliu ai ananafi” O Tagaloasā sa toe valaau e le palola ina ua ia toe soli le tulafono a’o magalo mai ai muamua, o le toe valaau lea na toe tuli ai loa lona faasalaga soloatoa, o ia faasalaga e mai nisi o solitulafono fasioti tagata sa molia ai muamua “Ua ova la i le 10 tausaga talu ona toe recall lea la na tuu e valaau lana parole ia March this year ae tei ua lockdown.” Na taua fo’i e Afamasaga sa talosaga atu Tagalosā ma o loo faamauina ona o lona gasegase.
Na taua fo’i sa tele taimi na tuuina atu ai e leoleo i le falema’i ona o lona gasegase e pei ona taua. “O lea e iai lana talosaga ua ma’i cancer. Ua tele foi taimi na ave ai e i matou i le falemai.” O loo vaaia le misia e ona aiga faapea foi ana uo, ma taua fo’i o se tagata loto alofa tele ma loto fesoasoani. O loo tuuina mai foi faamaisega mai le Komesina Lagolago i le aiga faavauvau ona o le tuua o le malo e le Afioga Tagaloasā Filipaina Faisauvale
