O le afā o Alfred o loo feta’ua’ina e aafia ai Kuiniselani i le vaiaso nei ua ta’ua e ono oo atu le malosi i le Vaega tolu poo le Category 3.
O le taimi nei o loo iai i lona faato’ā amatamataga talu mai ananafi ma faatupula’ia i luga tonu o le Coral Sea pe ā ma le 840 kilomita mai le itu i Sasae i Matu i Sasae o Cairns.
Sa fuafua o le afā lea e faaigoa o Anthony peitai na toe suia e le ofisa o le vaaitau ia aua ne’i iai se tulaga e faaseseina ai faapea ua faaigoa i le Palemia o Ausetalia, Anthony Albanese aemaise ua lalata faigapalota.
Fai mai le vaaitau a oo i tulaga faapea, a fetaui le igoa ma se suafa o se tagata lauiloa e toe faatulaga lava e latou le isi igoa e sosoo ai e fua i le alphabet ia aua ne’i iai se nunumi.
O loo agai le afā o Alfred agai i Sasae ma ua faasolo atu lona malosi i le vaega lua i le asō ae fautuaina e ono faatupula’ia i le Vaega 3 i le aso a taeao.
I isi tala lava mai le vaaitau ua faailoa ai foi o leisi afā e igoa o Bianca ua amata faatupula’ia a’e foi lona malosi i gataifale o Western Australia.
O loo faamauina i gataifale o le Vasa Initia ma e lalata i gataifale o Ausetalia i Sisifo.
Ua fautuaina foi tagata i ia faaitu e ono faatupula’ia le malosi o Bianca i le aso a taeao ma le faasolo atu i le ogatotonu o le vaiaso ae lē o tele ni aafiaga o loo ta’ua mai lea afā mo le taimi nei.
Puna o Faamatalaga: https://www.9news.com.au/national/tropical-cyclone-queensland-updates-cyclone-alfred-forms-in-coral-sea/3cd691ca-6b12-4f1b-998b-5811b56f7c8f
