Ua lipotia i le asō i le Newshub finagalo faaalia o le aumaimoa i le taaloga a le Silver Ferns ma le ‘au a Ausetalia i le Quad Series e faapea o se faaiuga a le laufali o le taaloga ua faaleaogaina ai se tasi o togi a le tamaitai o Ameliaranne Ekenasio.
Fai mai le lipoti o le kuata mulimuli o le taaloga lea i le taeao analeila, e lei iloa ai e le laufali le isi togi na faamanuiaina a Ekenasio a o fetoai teine taaalo o Grace Nweke ma Courtney Bruce, ua faailoa e lei iloa uma e laufali e toalua le taimi na in ai le isi togi a Ekenasiok.
Fai mai le aufaasalalau o se tasi iloga i le taaloga Catherine Cox o ia e le talitonu i le tulaga ua tulai mai ma e tatau ona faamautinoa e le toe tupu lea tulaga ma e lei tupu muamua foi sea tulaga i se taaloga muamua ua ia vaai iai.
E ui la na faiaina le Silver Ferns i lea fetauiga 56-50 ae manatu le toatele o le faaletonu i le goal lea na afua faaletonu ai ma le agai atu i le faaiuga o le taaloga.
Fai mai le isi loomatua sa tapuai mo le Silver Ferns, o le lē iloa uma e laufali e toalua o le mea na tupu ua sa’o ai upu o le pese a Vania Toloa, oi se a o se isi a o se isi foi se’i fai mai.
