E le’i atoa se vaiaso talu ona tatala le vaitā’ele fou i Aukilani ae ua toe tapuni.
O le Karanga Plaza Harbour pool lenei ua pipii ai nei lapata’iga a le Safeswim ua le saogalemu i se tā’ele, ma o le vai foi lenei e lata i le auala laupapa i Wynyard ma o lea foi faato’ā tatala i le Aso Faraile talu ai.
I luga o le upega tafa’ilagi a le Safeswim o loo ta’ua ai, o le vai o loo faaaogāina i le vaitā’ele e lē saogalemu ma e telē le lamatia ai o tagata mai faama’i.
O le vaitā’ele fou lenei na fau e le Eke Panuku, poo se tasi o pulega i lalo o vaavaaiga a le puleganuu a Aukilani ma o lea lava foi na saunoa le pulenuu o le aai, Wayne Brown, e na te tosinaina mai le to’atele.
E 33 mita le uumi o lanes e fā o lea vaitā’ele, ma e tusa ma le $500,000 lona tau.
Puna o Faamatalaga: Auckland’s newest attraction Karanga Plaza swimming pool declared unsafe days after opening | Stuff
