I se lipoti aupito lata mai o tausi soifua e to’alua na lipotia atu i le vaiaso talu ai mai Sini, o i la’ua ia na faia ni faamatalaga lē manuia ma faamata’u i tagata Isaraelu, ua faailoa mai ua faailoa iai se faai’uga a le Australian Health Practitioner Regulation Agency ma e lē mafai ona toe faigaluega i o la tomai faatausi soifua i totonu o Ausetalia.
E lē o iai ni moliaga ua faia i le taimi nei peitai fai mai leoleo o loo faaauau pea ona galulue i le su’esu’ega.
Ua faamālōlō lē tumau pea le to’alua lea mai a la galuega ma ua faailoa e le tamaitai faipule, Pauline Hanson i le lipoti a le 7News ua tatau o na aveese mai ituaiga tagata faapea mai le atunuu.
O loo faatalia nei se taimi e faatalanoa ai e leoleo le to’alua lea e tusa o le mataupu o loo aofia ai.
Puna o Faamatalaga: https://www.google.com/amp/s/7news.com.au/news/sydney-nurses-suspended-after-threatening-anti-israel-video-goes-viral-c-17711929.amp
