Ua toe faatalosagaina tagata lautele e taumamao ma le Cathedral Cover i Coromandel ona e le o saogalemu lava.
O se tasi lenei o mataaga o le mafuaaga e ala ai ona o le toatele agai i Coromandel, peitai ona o le popolega i palapala solo atoa ai ma mea na faaleagaina e le afā faatoa uma atu, o loo faatumauina ai pea ona tapunia i le taimi nei.
I lipoti lata mai le matagaluega o faasao o lea ua matuai faaleagaina le auala sitepu o loo alu i le Cathedral Cove ma o loo tutu ai rangers a le matagaluega e toe faafoi mai tagata o loo o atu i kulupu mo taelega.
O le vaiaso fou o le a faatoa oo atu ai suesuega a inisinia faapitoa e iloa ai le telē o le aafiaga ua iai aemaise o le faamautinoaina o le toe tatala mo taelega.
