I le toe toalima o tagata o loo sue pea i le uma ai o le afa, o le isi toatolu o i latou o loo sailia i soligatulafono.
O le taeao ananafi na fai mai ai leoleo toe to’afa, peitai e po ane ananafi ua faaopoopo le isi toatasi ma o lea ua toalima ai nei.
O le toatolu foi o i latou e faapea e le o ni igoa e fou i le ofisa leoleo ma e le o iai tele se popolega i lo latou saogalemu ona e tusa ma tala mai le ofisa ua fiu e taumafai e saili i taimi ua sola e le maua.
O i latou uma nei e mai Hawke’s Bay ma Tairawhiti.
Ese mai i le toalima lea o loo pipii i le lisi o tagata o loo leiloloa talu mai le afa, o lea foi o loo tausailia Joseph Ahuriri, 40 tausaga o Gisborne ma e ono le fesootai i le afa lona leiloa.
Mai le avā Joseph o lea sa alu e asiasi i lona aiga i le taimi na sau ai le afa ma e oo mai i le taimi nei e le i toe maua se fesootaiga.
