Ua faaleaogaina tuuaiga o le polokalame faakomepiuta na faitauina le faigapalota a le malo o Amerika, o lea foi na faaaoga e Niu Sila I lana faigapalota o le tausaga talu ai
O le kamupani o loo faamautu I Amerika, Dominion Voting Systems ua tuuaia nei I ni faiga faaalatua na faitauina ai le iuga o le faigapalota a Amerika, ua salalau ai faamatalaga I luga o le facebook o polokalame faakomepiuta poo software mai le kamupani lava lea e tasi lea na faitauina palota ua malo ai le tamaitai palemia o Niu Sila, Jacinda Ardern
I se imeli na tuuina atu e le komisi o faigapalota a Niu Sila I le Agence France- Presse poo le faalapotopotoga o loo faamaonia ripoti o mea o loo tutupu faavaomalo I Farani I le Aso Gafua o le vaiaso nei, o loo faamaonia ai o le iuga o le faigapalota a Niu Sila e le faitauina I ni masini poo nisi lava polokalame faakomepiuta, e faitau lima ma o le faitauga foi lea na fai ai le palota o le 2020
O le iuga foi o le faitauga o palota, e tusi lima uma faatoa tuu ai I le system na faia lava I totonu o Niu Sila ua taua o le Election Management System I lea faamalamalamaga ua tali mai ai le Agence France-Presse ma faaleaogaina faamatalaga o loo fesiligia ai le filifilia o le taitai o le malo, atoa ma le faaaogaina e Niu Sila o le system o loo vevesi ai Donald Trump ma lona malo
