E lē o vaivai le sau o faalauiloa e sue atu ai ni leoleo Kuiniselani a Ausetalia, mai Niu Sila nei.
O lea ua fai mai le isi faalauiloa o loo sau i le nusipepa, o le leoleo Niu Sila e agai atu i Gold Coast o le a mafai ona faia le course fā masina ae lē o le valu masina e pei ona masani ai.
O le tausaga talu ai na polomisi mai ai le ofisa leoleo i Kuiniselani e maua le ponesi e $20,000 e siitia atu ai i Kuiniselani.
O lipoti i le masina talu ai a le Herald na ta’ua ai e 50 leoleo mai iinei ua faamavae ae agai atu i Ausetalia, ma le tala o loo faasauni le isi 70.
I nei faamaumauga ma le taumafai malosi mai o Ausetalia, ua tali le minisita o leoleo Mark Mitchell, e lē o suia lava le polomisi a le malo e faaopoopo nisi leoleo fou.
Ae a talanoa i totogi ma isi faamanuiaga, ua tautino le minisita, e lē o mafai ona ausia e Niu Sila le ofo o loo aumai e Ausetalia ma e lē o mafai lava ona tauva ai.
Puna o Faamatalaga: Police Minister admits NZ cannot compete with Australian recruitment offer | RNZ News
