E $2,500 le faasalaga tupe o se aveloli o le loli lapisi i Perth ua faasala ai nei ma faasāina ona toe tagofia le taavale mo le tolu masina ina ua lavea ai se tamaitiiti e na o le fā tausaga le matua.
Fai mai lipoti a le 9News ua faailoa le lē fiafia o le tamā o le tamaitiiti na aafia i le lē fetaui o le faasalaga.
Fai mai a ia e umi ai le taimi na taofia ai si ona atalii i le falemai ona o manu’aga mai lea faalavelave.
E oo mai i le taimi nei o loo faaauau pea togafitiga o le tamaitiiti o Jackson Fogarty fai mai lipoti na agai ane i lana scooter i Deanmore Rd ia Novema o le tausaga talu ai ae lavea ai i le loli lapisi lea sa faafoe atu e David Ross Williams lea na tautino i le avetaavale faatamala.
Na ta’ua i le lipoti ua sauni nei le tamā o Jackson e ave lea tulaga i le kamupani a le Veolia aemaise ai foi se lu’i i le Stirling Council.
Puna o Faamatalaga: https://www.9news.com.au/national/perth-court-rubbish-truck-driver-sentenced-after-running-over-kid-on-scooter-scarborough/b4826297-c983-46cb-b189-5e17e5aab4d3
