E fai o le paso o faia’oga i amioga a tamaiti, ae o le tau a’oa’oina o suiga o mataupu a’oa’oina poo le curriculum.
O lea ua tusi se tasi o pulea’oga aga’i i le minisita o aoga, Erica Stanford ona o le tele o le avega o faia’oga o loo iai nei e tusa ma curriculums e lua lea e tatau ona o latou silafia ma a’oa’oina i totonu o le fā masina.
O le pulea’oga lenei mai Otago ma o lana tusi o loo ta’ua ai ua tele naua le avega a faia’oga.
Na ta’ua ai foi e le pulea’oga o nei mau suiga uma e lē o lava puna’oa o loo tuuina mai e a’oa’oina ai faia’oga.
A o taumafai ai la faia’oga e a’oa’oina o latou tagata i suiga o mataupu a’oa’oina, ua molimau foi le pulea’oga i le faigata o tamaiti ma a latou amio, e patino lava i fanau e lē o lelei aiga e o atu ai.
O loo faatali se tali a le minisita, ae mai le pulea’oga o itu nei e ono faamavae ai ma faia’oga mai a latou galuega.
Puna o Faamatalaga: Teachers under too much pressure to learn new curriculums – principal | RNZ News
