E to’atolu tamaitai ua maliliu i le mae’a taumafaina o se keke Kerisimasi o loo masalomia na faaonā e se tasi.
E to’alima tagata mai le aiga e tasi, to’afā tamaitai ma le tamaitiiti e to’atasi na ave i le falema’i mo togafitiga ina ua o latou taumafaina le keke e pei ona ta’ua i le afiafi a o lumana’i le Kerisimasi i le aai o Torres i Brazil.
E to’atolu tamaitai ua maliliu ae o le isi tamaitai ma lona nephew lea e 10 tausaga o loo togafitia pea i le falema’i, e faapea le faamatalaga o le tamaitai lea na faia le keke.
O su’esu’ega o loo faia ua ave ai e le au su’esu’e vaega na totoe o le keke e faia iai le su’esu’ega.
Fai mai lipoti e tele aitema i le fale lea na maua ua expire pe ua uma aso e aogā ai.
I Brazil o le Christmas Eve le taimi autū e faatino uma ai fuafuaga a aiga auā o le 54 pasene o tagata e Katoliko ma e aga’i i le misasā o le 12 i le po, fai ai ma faamanuia o le Kerisimasi ma faatasitasi ma aiga a o lumana’i le Kerisimasi.
O loo faaauau nei le su’esu’ega ae ua lipotia ua iai se suiga lelei i le tamaitiiti 10 tausaga ma lona aunt o loo i le falema’i.
Puna o Faamatalaga: https://edition.cnn.com/2024/12/29/americas/poison-christmas-cake-brazil-intl-latam/index.html
