O le sui ta’ita’i o le Malo le afioga i le sui Palemia, afioga Tuala Tevaga Iosefo Ponifasio, sa fai ma sui o le Malo aemaise o le atunuu e ave faamanuiaga i le tatou au masii mo taaloga a le Olimipeka, ina ua faia se sauniga faapitoa e faamavae atu ai i le ‘au, a o lei tuua le atunuu mo Farani i le vaiaso nei.
E 9 taaloga o le a tausinio ai le aumasii a le atunuu e aofia ai le lakapi taitoafitu lea na tuua o tatou laufanua e le faiaoga ulu o le pulega ma le ‘au taitoafitu i le aso 9 o le masina o Iulai.
O le faai’uga o le vaiaso fou taaloga lakapi taitoafitu a le Olimipeka.
O tapenaga a le aumasii a le atunuu e 500 afe tala le sao o le Malo ua fesoasoani ai i tapenaga faatasi ai ma nisi o fesoasoani e pei o le Malo o Ausetalia e 120 afe tala na latou foai auā lava tapenaga.
Le Sui Palemia le afioga Tuala Tevaga Iosefo Ponifasio i le saunoaga faamanuia ma faamavae atu ai i le aumasii a Samoa mo taaloga a le Olimipeka i Farani.
O le Pelesetene o le asosi o taaloga i Samoa na saunoa e tali fuaitau i le saunoaga a le Sui Palemia i le sauniga faamavae sa faia i le maota Samoa o le pulega o tagata tafafao maimoa mai fafo.
Le Pelesetene o le SASNOC le faalapotopotoga o taaloga a Samoa.
O le Minisita o Taaloga le afioga Laumatiamanu Ringo Purcell o loo aofia i le aumalaga o le tatou ‘au mo taaloga a le Olimipeka.
