I le taunuu ai o le autaalo a Samoa e tausinio i taaloga laiti a le Pasefika  ua amata faagasolo i le atunuu o le Atu Mariana, o le amataga o lenei vaiaso e faagasolo ai taaloga siisii u’amea mamafa lea o loo iai le talitonuga o le a tele ni pine auro a Samoa e manumalo ai.

O le faai’uga o lena vaiaso na taunuu ai le ‘au a le atunuu, lea e 33 le aofaiga atoa o le ‘au na masii atu mai Samoa faaopoopo iai ma nisi mai atunuu i fafo ua filifilia i le au a le atunuu. E lua vaiaso le umi o le a iai le au a Samoa mo ia taaloga faavaomalo.