E to’alua ni alii ua molia e leoleo Ausetalia ona o ni osofa’iga e faaaogā ai taavale e faaleaga ai nofoaga ae gaoia.
Fai mai leoleo su’esu’e sa feagai ma le matāupu e 9 lelei faalavelave o gaoiga ua feta’ua’ina sa aga’i i ni pisinisi i Vitoria e amata mai ia Novema o le tausaga na te’a nei e oo mai i le asō ma e iai uma sootaga o ia faalavelave.
Ta’ua e leoleo o loli na gaoia sa faaaogā i nei osofa’iga e faaleaga ai pisinisi aemaise o masini talatupe poo ATMs ma ua oo ai i le silia i le miliona le tupe e alu mo le toe faaleleia o mea ua faaleagaina.
O nisi nofoaga na faaleagaina o fale’aiga, news agencies ma faleoloa laiti ma a tuufaatasi e fā masini ATMs ua faaleagaina ai.
O loo faaaauau le su’esu’ega ae to’alua lea ua faamaonia mai e leoleo ua mae’a pu’eina ma ua faia iai moliaga ma o loo faatalia le aso e tutula’i ai i le faamasinoga.
Puna o Faamatalaga: https://www.9news.com.au/national/two-charged-victoria-atm-ram-raids/039e6b8a-b36a-489e-95dd-0e2f59b0d529
