O le a asiasi mai i Ausetalia le Peresetene o Isaraelu o Isaac Herzog i le masina fou ona o se valaaulia mai le Palemia o Ausetalia o Anthony Albanese.
Ua faamaonia i lipoti a le 9News e faapea o le a taunuu mai Herzog i Ausetalia i le aso 8 o Fepuari ma o le a feiloa’i atu ai foi ia i latou na aafia i le faalavelave i Bondi.
Fai mai o le a ia asia foi komiuniti Iutaia i Ausetalia ma ofoina foi faamafanafanaga i le mae’a o lea faalavelave tele.
O le Peresetene foi o le Zionist Federation of Australia sa ia tuuina atu foi se valaaulia ia Herzog e faimalaga mai ai i Ausetalia.
E lē o iloa la i le taimi nei pe faia se saunoaga a le Peresetene o Isaraelu i le Palemene a Ausetalia i le taimi lea e asiasi mai ai lea e faato’ā faamae’a i le aso 12 o Fepuari.
Puna o Faamatalaga: https://www.9news.com.au/national/israel-president-isaac-herzog-visits-australia-prime-minister-anthony-albanese-bondi-shooting/efef022e-fb75-4899-a449-331b386c21c5
