Ua taunuu I Toga ofu mo le puipuiga o tagata mai le Koviti atoa ai ma totoga mo taavale a le ami a Toga mai NZ
Faaiuga o le vaiaso na Malaga atu ai le vaalele a le militeli a NZ ma auina atu le tusa ma le 3800 o ofu e faaaogaina e tagata faigaluega a le soifua maloloina ma I latou o loo I nofoaga e faanofoesea ai tagata mai fafo I Toga aua lava puipuiga o le Koviti
Ese mai ofu, na momoli faatasi ai foi ma totoga mo taavale ua taua o Unimog e faaaogaina e le ami a Toga, ma o nei taavale e tele ina faaaogaina mo faamomoli I taimi e afatia ai Toga
O lea faatoa toe tu lauelele lea o se vaalele a le ami a NZ I Toga talu mai ona tapunia femalagaiga faavaomalo ia Mati
O le faimalaga atu o le vaa a le ami a NZ, na uia uma auala o puipuiga o loo faamalosia ona o le koviti e tusa ma faamaoniga mai le taitai-au o le ami a NZ na faimalaga atu lea na ripotia e le leitio a nz
